بعد تصريحات فرح شعبان.. علي غزلان: “مقولتش أسباب الطلاق عشان ابني”

رد البلوجر علي غزلان على تصريحات طليقته الإعلامية فرح شعبان، التي تحدثت خلالها عن تعرضها للظلم من قبل طليقها، وكشفت عن معاناتها بعد انفصالهما للمرة الثالثة.

وظهر علي غزلان مؤخرا في أحد البرامج، وتحدث عن مواقف تعرض خلالها للخذلان، كما أشار إلى أنه دون أسباب طلاقه من فرح شعبان في مذكراته.

علي غزلان يرد على فرح شعبان

ونشر علي غزلان مقطع فيديو عبر حسابه الخاص بموقع “إنستجرام”، من خلال خاصية القصص القصيرة وقال: “حصل طلاق أول مرة وتاني مرة وتالت مرة، وحاطط في بوقي جزمة وساكت ومبتكلمش، عشان المفروض هي أم ابني، هي إنسانة محترمة وكويسة، عمري في يوم من الأيام اتكلمت عنها كلمة وحشة ولا هتكلم عنها كلمة وحشة مهما حصل استفزاز”.

وتابع: “وأنا مقولتش أسباب الطلاق، مع إن لو قولتها لأي حد هيعرف إن أي راجل في الدنيا لازم يطلق عشان الأسباب دي، ومقولتش أسباب الطلاق عشان ابني، والطرف التاني طالع في بيرد من حيث لا أدري”.

وأضاف: “أنا مش هتكلم على فكرة فيديو التجسس، مع إن قبلها بـ3 شهور طلعنا مع رضوى الشربيني، هي قالت إني كنت بتجسس عليها من الأبل واتش بتاعتها، وكنت عايش حياتي مراقب، ومش هتكلم كلمة وحشة عن زوجتي السابقة، وياريت مش كل ما نلاقي الريتش وقع نتكلم على علي غزلان. يا جماعة أنا ابني عايز أربيه، وكل ده عشان طلعت في بودكاست واتكلمت عنها حلو جدًا، وبحاول ودخلت أقولها يا بنت الناس أنا بتشتم، تقولي مليش دعوة، روح سكت الناس”.

واختتم: “ومن ساعة ما اتطلقت وأنا بتهان في كل حتة، ويتقال عليا إني بخيل، ده الفيزا مكنتش معايا وبتداين لطوب الأرض عشان أعيشكوا عيشة أحسن، وأمي هي اللي رجعتني في المرتين التانيين في أول طلقة وتاني طلقة، وبتتكلم على أمي وحش ومتكلمتش، وأمي سابت بيتها وجت عاشت معايا عشان كنت عايز انتحر من كتر الابتزاز العاطفي اللي كنت عايشه، وأنا فلاح عمري ما جبت سيرة طليقتي في حاجة، أنا تعبت”.

كواليس انفصال علي غزلان وفرح شعبان

وكان البلوجر علي غزلان قد أعلن انفصاله عن زوجته فرح شعبان للمرة الثالثة في شهر أبريل الماضي.

وكان الانفصال الأول في شهر يونيو عام 2024، بعد زواج دام قرابة عامين ونصف، قبل أن يقررا العودة إلى بعضهما في نوفمبر من العام نفسه.

وأعلن علي غزلان انفصاله عن فرح شعبان للمرة الثانية في شهر أبريل عام 2025.

اقرأ أيضا:

على البحر.. هدى الإتربي تخطف الأنظار في أحدث ظهور

تكريم هاني شاكر يشعل حرب البيانات بين مصطفى كامل وماهر همامي